Ny kompensasjonsordning i Aurland Kommune søknadsfrist 15.05.21

Aurland kommune har fått tildelt friske midlar som kommunal kompensasjonsordning til lokale verksemder og lyser no ut ordninga på 854 000 kr.

Målet med ordninga er å setje kommunen raskt i stand til å avhjelpe situasjonen for lokale verksemder som er særleg hardt ramma av lokale eller nasjonale smitteverntiltak. Ordninga skal og hjelpe dei verksemdene som heilt eller delvis har falle utanfor dei generelle kompensasjonsordningane. Kommunen skal bruke midlane på tiltak for lokale verksemder som er råka av strenge smitteverntiltak.