Endring av kurset i sosiale medium
Sognefjorden Næringshage tilbyr saman med Årdal Utvikling, Lærdal kommune, Aurland kommune, Vik kommune, Høyanger Næringsutvikling, Luster kommune og Sogn Næring kurs i sosiale medium.
Dette er kurset som er utsett frå i vinter. som no vert lyst ut med nye tidspunkt.
Det faglege innhaldet vert levert av Gasta design og kommunikasjon. Vi har vald å dele kursa inn i to nivå, for å favne om alle, og det første kurset tilbyr vi i september:
6. september klokka 18:00 i Vik
7. september klokka 18:00 i Sogndal
Avlyst! 15. september klokka 18:00 i Lærdal/Aurland
Grunna liten påmelding må vi diverre avlyse dette kurset i Lærdal/Aurland, men vi kan tilby nokre alternativ: Deltaking på kurset i Vik 6. september eller i Sogndal 7. september. Ta kontakt med mette@sognefjordennh.no om du ønskjer det.
Ein kan og delta på kurset via streaming direkte frå Campus i Sogndal tysdag 7. september klokka 18:00. Her vert det og mogeleg å stille spørsmål via sms eller liknande teneste. Om du ønskjer dette kontakter du mette@sognefjordennh.no seinast fredag 5. september.
Nivå 1: Innføring og smarte tips
Kven er kurset for?
Deg som ønskjer å bli meir trygg på sosiale medium, i hovudsak Facebook og Instagram. Bedrifta di er gjerne til stades i ulike kanalar, men treng hjelp til å posisjonere seg og utnytte potensialet betre.
Kva kan du forvente?
2,5 timar med føredrag og open diskusjon. Vi ønskjer å hjelpe deg på best mogleg måte, så ta gjerne med spørsmål til kurset, så ser vi på det i fellesskap.
Kva kjem du til å lære?
Kva er poenget med sosiale medium for bedrifter?
Kva kanaler er aktuelle og kor finn du dine målgrupper?
Korleis nyttar du sosiale medium på ein smartare måte?
Korleis kommuniserer du betre? Litt om innhald og historieforteljing
Korleis skapa engasjement og bygge relasjonar?
Litt om annonsering og analyse
Praktiske tips
Arrangørane tek størstedelen av kostnad til kurset. Deltakar betalar berre 500,- kr.
